BHARAT TELUGU NEWS, Publish Date - Oct 11 , 2026
విశాఖపట్నం:- దసరా నవరాత్రుల సందర్భంగా విశాఖపట్నంలోని ఆరిలోవ
నెహ్రు నగర్ ప్రాంతంలో పండుగ వాతావరణం నెలకొంది. స్థానికంగా Stylish Youth ఆధ్వర్యంలో అమ్మవారి విగ్రహాన్ని ప్రతిష్ఠించి, నవరాత్రి ఉత్సవాలను ఘనంగా నిర్వహిస్తున్నారు. అక్టోబర్ 11 నుంచి 21వ తేదీ వరకు 11 రోజుల పాటు భక్తి, ఆధ్యాత్మికత, సేవా కార్యక్రమాలతో ఉత్సవాలను కొనసాగించేందుకు నిర్వాహకులు ఏర్పాట్లు చేశారు.

ప్రతి సంవత్సరం సంప్రదాయబద్ధంగా అమ్మవారి ఉత్సవాలను నిర్వహిస్తున్న స్టైలిష్ యూత్ సభ్యులు ఈ ఏడాది కూడా ప్రత్యేక కార్యక్రమాలను రూపొందించారు. నవరాత్రుల్లో భాగంగా అమ్మవారికి ప్రత్యేక పూజలు, దీపారాధనలు నిర్వహించడంతో పాటు అన్నదానం, విద్యార్థులకు పుస్తకాలు, పెన్నుల పంపిణీ వంటి సేవా కార్యక్రమాలకు ప్రాధాన్యం ఇచ్చారు. స్థానిక భక్తులు అమ్మవారిని దర్శించుకుని పూజల్లో పాల్గొంటున్నారు.

స్టైలిష్ యూత్ ఆధ్వర్యంలో రోజువారీ కార్యక్రమాలు

అక్టోబర్ 11, ఆదివారం – పాడ్యమి: అమ్మవారి కలశ స్థాపనతో నవరాత్రి ఉత్సవాలు ప్రారంభం.

అక్టోబర్ 12, సోమవారం – విదియ: పందిరి వద్ద ముగ్గుల పోటీలు నిర్వహించనున్నారు.

అక్టోబర్ 13, మంగళవారం – తదియ: అమ్మవారి సన్నిధిలో దీపారాధన కార్యక్రమం చేపట్టనున్నారు.

అక్టోబర్ 14, బుధవారం – చవితి: అమ్మవారికి బోనాల కార్యక్రమం నిర్వహించనున్నారు.

అక్టోబర్ 15, గురువారం – పంచమి: సంప్రదాయబద్ధంగా పడిపూజ కార్యక్రమం జరగనుంది.

అక్టోబర్ 16, శుక్రవారం – షష్ఠి: ఉదయం సర్వసిద్ధి పూజ, అనంతరం పిల్లలకు పుస్తకాలు, పెన్నుల పంపిణీ చేపట్టనున్నారు. సాయంత్రం కుంకుమ పూజ నిర్వహించనున్నారు.

అక్టోబర్ 17, శనివారం – సప్తమి: సాయంత్రం హోమ కార్యక్రమం నిర్వహించనున్నారు.

అక్టోబర్ 18, ఆదివారం – అష్టమి: అమ్మవారికి సారి కార్యక్రమం నిర్వహించనున్నారు.

అక్టోబర్ 19, సోమవారం – నవమి: పందిరి వద్ద భవానీ భక్తుల అగ్నిగుండం కార్యక్రమం జరగనుంది.

అక్టోబర్ 20, మంగళవారం – దశమి: విజయదశమిని పురస్కరించుకుని దసరా వేడుకలు నిర్వహించనున్నారు.

అక్టోబర్ 21, బుధవారం – ఏకాదశి: అమ్మవారి ఉత్సవాల ముగింపు అనుపు కార్యక్రమాలను నిర్వహించనున్నారు.

యువత సమష్టిగా ముందుకు వచ్చి ఉత్సవాల నిర్వహణలో పాల్గొనడం ఆరిలోవలో పండుగ సందడిని మరింత పెంచుతోంది. ప్రతిరోజూ నిర్వహించే కార్యక్రమాలతో అమ్మవారి సన్నిధి భక్తులతో కళకళలాడనుంది.

దసరా నవరాత్రులు చెడుపై మంచి సాధించిన విజయానికి ప్రతీకగా భావిస్తారు. ఈ పవిత్రమైన రోజుల్లో అమ్మవారిని ఆరాధిస్తూ ప్రజలు సుఖసంతోషాలు, ఆయురారోగ్యాలు కలగాలని ప్రార్థిస్తారు. స్టైలిష్ యూత్ ఆధ్వర్యంలో అరిలోవలో నిర్వహిస్తున్న ఈ ఉత్సవాలు భక్తిభావంతో పాటు స్థానికుల ఐక్యతను చాటిచెప్పనున్నాయి.