ఇంటర్నెట్‌ డెస్క్‌: అనారోగ్య లక్షణాలు కనిపిస్తే వెంటనే డాక్టర్‌ను సంప్రదించే రోజులు మారుతున్నాయి. చాలామంది ముందుగా గూగుల్‌, చాట్‌జీపీటీ వంటి ఏఐ సాధనాల్లో తమ లక్షణాల గురించి తెలుసుకుంటున్నారు. సమస్య తీవ్రత, చికిత్స, వైద్య ఖర్చులు వంటి వివరాలను తెలుసుకున్న తర్వాతే డాక్టర్‌ను సంప్రదిస్తున్నారు. ఆసుపత్రి బిల్లుల భయం, వేచి ఉండాల్సిన సమయం, మొహమాటం లేకుండా ప్రశ్నలు అడిగే అవకాశం వంటి కారణాలతో ఈ ధోరణి పెరుగుతోందని ఆన్‌లైన్‌ చికిత్సా మిత్ర వ్యవస్థాపకురాలు స్మృతి టాండన్‌ తెలిపారు. అయితే ఏఐ ఇచ్చే సమాచారం వైద్యుడి సలహాకు ప్రత్యామ్నాయం కాదని నిపుణులు సూచిస్తున్నారు.